Bake ikuspegia
Urdaibaiko leku natural ederrenetako batzuk zeharkatzen dituen bisitaldi bikain honek gatazka belikoen gai zirraragarrian du ardatza. Manu Leguineche (Belendiz-Arratzu, 1941) kazetari eta gerra berriemaile ospetsuak bizi izan zituen gerra esperientzia ugariei buruz argitaratutako testigantzak inspirazio eta argudiatze iturri dira.
Hiru ibilbide independente eta osagarri, non gerra-agertoki bakoitzak bere narrazioa aberasten duen Manu Leguinecheren gogoeta eta kronikekin, “egiez” beteta.
Bisita tokiko gidariarekin edo app baten bidez egin dezakezu. App horrek gidatuko zaitu Urdaibaiko gerra-agertokietan zehar zoazen bitartean.
BISITA BIRTUAL APPren BITARTEZ
Bisita birtuala egitea aukeratzen baduzu, gure aplikazioaren bidez bisita modu autonomoan egin ahal izango duzu. “Arkeologia Belikoa. Bakerako ikuspegia” osatzen duten hiru ibilbideetako edozein aukera dezakezu, edo baita guztiak ere.
Nola funtzionatzen du bisita birtualak?
Bisita APP bidez kontratatzen duzunean, zeuk aukeratzen duzu noiz gozatu nahi duzun.
Aplikazioa aktibatzeko kode bat jasoko duzu. Bisita egitera zoazenean aplikazioa aktibatu behar duzu, une horretatik aurrera hiru egun dituzu ibilbidea osatzeko.
APPan bisita gidatuaren ibilbidea aurkituko duzu, narrazioa entzuteko gelditu behar dituzun puntu zehatzekin.
Irudiak eta bideoak audioaren osagarri dira.
Zer behar duzu bisita APP bidez egiteko?
- Gailu mugikor bat
- Datu mugikorrak
- Eszenatokietara joateko garraioa.
