Arrolagune

Arrolagune Arrolako aztarnategi arkeologikoaren Interpretazio Zentroa da, duela 23 mende mendi honen gailurra hartu zuen herri gotortua (IV. C).

Herriko bizimodua berregiten du, eta Bizkaiko historia ezagutzeko giltzarria den aztarnategi hau xehetasunez erakusten du. Burdin Aroko gotorleku garrantzitsua izan zenaren aztarnak, Bizkaiko Foru Aldundiak ikertzen, zabaltzen eta balioztatzen ari den Arrolako Oppidumak, Bigarren Burdin Aroko arkeologia-potentzial handia du.

Zatoz eta ezagutu nola bizitzen zen Urdaibain duela 2300 urte

Egin plan bat eta bisitatu Arrolagune, Arrola Oppidumaren Interpretazio Zentroa.

Igandeetan 10:00etatik 14:00etara zabalik

ARROLAGUNE erakusketa

Arrolagune Arratzu herrian dago, eta zorroztasun zientifikoz deskribatzen du gotorleku indigena honen testuinguru historiko eta kulturala. Erakusketak, panel eta erreprodukzioen bidez, Bigarren Burdin Aroko Europaren historia eta oppidaen zibilizazioa aztertzen ditu, eta bere defentsarako harresi itzelen garrantzia erakusten du.

Era berean, herriko bizimoduak eta hilobi-mundua ezagutarazten ditu, eta aztarnategiari balioa emateko Bizkaiko Foru Aldundiak egindako arkeologia-lana azaltzen du

Tamaina ERREALEKO etxola

Arrolaguneko elementurik esanguratsuenetako bat gotorlekuko etxola baten erreprodukzioa da, tamaina naturalean, indusketetan aurkitutako zantzu eta aztarnen eta garaiari buruz dugun ezagutzaren arabera. Errealismo osoz, etxebizitza honek bisitaria Arrolako biztanleek beren egunerokotasuna bizi zuten “etxeko” girora eramaten du.

Garai hartako erreplika zehatzek, hala nola zeramikek, tresnek, biltegiratzen zituzten elikagaiek, ehungailu batek… Burdin Aroko bizimodua gogora ekartzen dute.

Deskargatu liburuxka