Urdaibai-Busturialdea landa eta itsas-izaerak elkarrekin bizi diren leku aparta da. Eta aparteko gertaera hori arrakasta handiz islatzen da bertako gastronomiaren aniztasunean. Arrainak, haragiak, barazkiak, txakolina, gaztak, eztia… baserritarrek eta arrantzaleek lurreko eta itsasoko onena lortzeko egiten duten ahaleginaren fruitua dira, bete-betean dastatu ahal izateko.
ONDO JATEKO PARADISUA
Urdaibai-Busturialdean, sukaldaritza-kultura tradizionala eta kalitate goreneko produktu naturalak batzen dira aukera gastronomikoen menu zabala eskaintzeko. Menu horrek paradisu bihurtu du ingurua ondo jatea maite duenarentzat, eta kalitatezko produktu paregabeen sorburu.
Horregatik, eskaintza gastronomikoa zabala da, gustu eta egoera guztietarako. Leku gutxitan biltzen da hainbesteko kalitatea erretegi, taberna, upategi, jatetxe eta mesoietan. Betiko zaporeak, etxeko sukaldaritza edo plater berritzaileak, baina beti maitasunez eta kalitate oneneko produktuekin eginak.
