Urdaibaik ondare historiko eta kultural garrantzitsua du bere lurraldean. Hondakinak, hondarrak, aztarnategiak, tenpluak, etxebizitzak eta defentsak; izendapen sorta eta historiaren ezagutzaren euskarri eta gidari. Ondare-aberastasun horren guztiaren ezaugarri nabarmenetako bat haren kokapena da. Elkarrengandik oso hurbil dauden lekuak, nahiz eta hainbat kulturaren aztarnak izan.
SANTIMAMIÑEKO KOBA, HISTORIAURREKO BISITA
Orain dela 14.000 urte bertako biztanleen bizimodua eta ohiturak zehatz-mehatz erreproduzitzen dituzten panel fin ilustratuek kobazuloaren atariraino eramango zaituzte.
Bertan sartzea posible da bisita gidatu birtual berritzaile bati esker, galeria guztiak zeharkatu eta bere labar-arte baliotsuaren edertasuna erakusten duena.
Informazioa: 94 465 16 57
ARROLAKO OPPIDUMA, TALAIA INDIGENA
Arrola mendiaren tontorrean, Arratzu, Mendata eta Nabarnizen arteko loturan, zaindaria eta babeslea, gotorleku honek duela 23 mende inguruko biztanleei babesa eman zien. Bizkaiko Lurralde Historikoko aztarnategi protohistorikoetako bat da, eta 2. Burdin aroko bizimodua erakusten du.
FORUKO ERROMATAR HERRIXKA, BERE HISTORIAREN LEKUKO
Erromak Urdaibain egin zuen ibilbidea erakusten du aztarnategi arkeologiko honek. Foruko Tourseko Martin Deuna elizatik oinez asentamendura irits gaitezke. Eliza honen barruan gordetzen diren hondakinak kokalekuari estuki lotuta daude.
EREÑOZARREKO SAN MIGEL, SEKRETUZ BETERIKO TONTORRA
Erdi Aroko tontorra, Ereño herriaren gainean, ikuspegi ezin hobeko leku pribilegiatu batean. Bere harresien, paisaiaren eta elezaharren aztarnen artean, tontor honek gordetzen dituen sekretuak dituzu zain.
OMAKO BASOA, PAISAIAN MURGILDUTAKO ARTEA
Kortezubin, Agustin Ibarrola artistaren lan paregabe honetan, Paleolitoko artisten lana eta “land-art” aren joera modernoa uztartzen dira.
BATZAR ETXEA ETA ARBOLA SANTUA
Bizkaiko leku enblematikoenetako bat, bere esanahi historiko eta balio sentimentalagatik. Gernikako Arbola Euskal Herriko eskubide eta askatasunen ikurra da.
Museoak
ARROLAGUNEK BURDIN ARORA ERAMATEN ZAITU
Arrolako Oppidum aztarnategiaren erakusketa zehatza, Bizkaiko historia ezagutzeko. Arrolagune, Arrolako Oppidumaren Interpretazio Zentroa, Arratzuko herrian dago, eta erakusketaren bidez, bidaiatu egiten du defentsa-gotorleku garrantzitsu horren historian barrena. Gaur egun, gotorleku hori ikertzen, zabaltzen eta balioztatzen ari da Bizkaiko Foru Aldundia. (Esteka)
EUSKAL HERRIA MUSEOA, HERRI BATEN HISTORIA
Euskal Herriko sustraiak, bilakaera, kultura, ohiturak eta nortasuna, Euskal Herria Museoak (Gernika-Lumo) bidaiariari transmititzen dion ezagutza da. Alegriako jauregi barrokoan kokatua, zuhaizti handi batek babestua, eta bere erakargarritasun eta edukiagatik, bisitarientzako hitzordu aberasgarria ere bada.
BAKEAREN MUSEOA, GOGORATZEKO
Gernika-Lumoko Bakearen Museora bisitak 1937ko apirilaren 26an hiribilduaren bonbardaketa ezagutzeko modu bikaina eskaintzen du. Horrela sentiarazten zaitu ” Begoñaren etxea” aretoak. Hormek dar-dar egiten dute, iluntasunak eta suntsipen sentipenak hartzen zaituzte. In Memoriam ikus-entzunezko saritua tragediari, suntsipenari, itxaropenari eta bizitzari buruzko hausnarketa da.
ARRANTZALEEN MUSEOA, BIZIRIK DIRAUEN BIZIMODUA
Bizkaiko Foru Aldundiak garatutako ikerketa- eta birgaitze-proiektuak (1,2M €ko inbertsioa) Bermeoko historiari balioa ematen dio, Ercilla dorrearen (XV. mendea) eta arrantza-portuaren bizimoduaren inguruan. Museo modernizatu honek Bermeon oraindik bizirik dirauen ondarea, materiala eta historikoa zabaltzen ditu. Ezinbestekoa da itzultzea.
